Articles worth reading

Caloocan News

Caloocan City

6 Caloocan barangays pass Seal of Good Local Governance

account_balanceCaloocan chat_bubble_outline0 Comments

Anim na barangay sa Caloocan ang pumasa sa pagsusuri ng Caloocan City Validation Team para sa Seal of Good Local Governance for Barangay (SGLGB).

Kabilang sa mga ulirang barangay na nakakuha ng pasadong marka sa iba't-ibang batayan ng DILG ang mga Barangay 67, 170, 176, 177, 178, at 182.

At dahil sa kahanga-hangang pagganap nito sa mga tungkulin ng barangay, pinili ng City Validation Team ang Barangay 178 bilang pilot barangay ng Caloocan na susuriin naman ng DILG-National Capital Region.

"Binabati ko ang lahat ng mga barangay na pumasa sa SGLGB na isa sa pinakamataas na pagkilala ng DILG at batayan ng pagtupad ng mga barangay officials sa kanilang mga sinumpaang tungkulin," pahayag ni Caloocan Mayor Oca Malapitan. "Kinikilala ko at nagpapasalamat ako sa inyong pagseserbisyo sa inyong mga komunidad at mga nasasakupan."

Hihimok din ni Mayor Oca ang ibang barangay na gawing ehemplo at inspirasyon ang anim na nasabing barangay na binigyan ng SGLGB upang mas lalo pang pag-igihan ang kanilang pagtatrabaho.

Upang magawaran ng SGLGB, kailangan maipasa ng barangay ang tatlong core areas na Peace and Order, Financial Administration, at Disaster Preparedness. Kailangang maipasa rin nito ang kahit isa lamang sa tatlong essential areas na kinabibilangan naman ng Social Protection, Business Friendliness and Competitiveness, at Environmental Management.

Ang Caloocan City Validation Team na nagsagawa ng masusing pagsusuri sa mga barangay ay binubuo ng DILG, Liga ng mga Barangay, Barangay Secretariat, at Rotary Club-Kalookan North.

date_rangeDate Published
4 months ago
shareShare article
folder_openArticle tags
content_copyCategorized under

Share your thoughts with us

Related Articles

No releated news for this article.

Advertisement